Ministu Interiniu atual Vise-Ministru Saúde, Bonifácio Maukoli dos Reis. Imajen/António Goncalves.

DILI, (TATOLI) – Vise Ministru Dezenvolvimentu Estratéjiku Saúde, Bonifácio Maukoli, hafoin hasoru Primeiru-Ministru, Taur Matan Ruak, ohin, iha Palásiu Governu, hateten Ministériu Saúde prevee ona milliaun 1.4 hodi sosa karreta ambulánsia 10 no karreta multi funsaun 17.

“Ministériu Saúde tinan ida ne’e, prevee ona milliaun 1.4 atu bele sosa karreta hirak ne’e”, afirma.

Maukoli afirma tan tinan ne’e Ministériu Saúde (MS) sei hola ambulánsia 10 no karreta multi funsaun 17 atu halo distribuisaun ho fazeadamente.

Atu nune’e ita bele troka karreta hirak ne’ebé daudaun ne’e ho kondisaun la di’ak ona.

“Ita uza ita nia Orsamentu Jerál Estadu atu hola karreta hirak ne’e, enkuantu balun suporta hosi ita  nia ajénsia dezenvolvimentu sira, maibé ita mós planu hela atu sosa”, dehan.

Enkuantu, daudaun ne’e karreta multi funsaun ba sentru saúde sira kuaze iha hotu maibé karreta nia kondisaun maka ladún di’ak ona, tanba ita uza durante tinan 10 ona.

Jornalista: Zezito Silva

Editora: Rita Almeida

HAKEREK NO HATÁN

Please enter your comment!
Please enter your name here