Deputadu Partidu FRETILIN, Francisco Miranda Branco. Imajen Mídia Palásiu PR.

DILI, (TATOLI) – Bankada opozisaun hosi partidu Frente Revolusionária Timor-Leste Independente (FRETILIN) liuhosi Vise Xefe Bankada, Francisco Miranda Branco, hateten sei responde notifikasaun husi Tribunál Rekursu (TR) relasiona ho rezultadu fiskalizasaun abstrata tuir pedidu deputadu rekerente nain 23 iha loron 30 janeiru.

“Ami respeita desizaun husi Tribunál Rekursu, maibé tanba ami mós hetan notifikasaun entaun ami uza direitu atu responde fila fali”, tenik ba jornalista sira iha uma fukun, kinta ne’e.

Hodi hatutan: “Ami halo esforsu tomak atu salva guarda fundu soberanu atu garante Estadu nia moris no jerasaun aban-bain rua nian”.

Tribunál Rekursu iha loron 12 fulan-ne’e, liuhosi juis koletivu deklara inkonstitusionál iha artigu 2 ba alterasaun dahuluk lei númeru 1/2019 hosi lei númeru 13/2005 atividade petrolífera, tanba Parlamentu Nasionál Timor-Leste seidauk ratifika tratadu ne’ebé Estadu Timor-Leste ho Austrália asina iha loron 6 fulan-marsu tinan 2018.

http://www.tatoli.tl/2019/03/tribunal-rekursu-pronunsia-lap-konstitusional/

http://www.tatoli.tl/2019/03/pn-simu-ona-resposta-desizaun-fiskalizasaun-abstrata-lap-husi-tr/

Jornalista: Julia Chatarina

Editora: Rita Almeida

HAKEREK NO HATÁN

Please enter your comment!
Please enter your name here