Primeiru-Ministru, Taur Matan Ruak. Imajen Egas Cristovao

DILI, (TATOLI) – Primeiru-Ministru, Taur Matan Ruak, hateten ratifikasaun akordu fronteira marítima entre Timor-Leste no Austrália sei realiza hafoin eleisaun iha Austrália ramata.

“Ita sei iha problema ida ne’ebé maka Austrália iha tempu badak sei iha eleisaun”, Taur ba jornalista sira iha Palásiu Prezidente Nicolau Lobato, Bairru Pité, kinta ne’e hafoin enkontru ho Prezidente Repúblika, Francisco Guterres Lú Olo.

Tuir nia Austrália hala’o eleisaun durante fulan ida no bainhira governu foun sa’e ona sasán bele la’o fila fali.

Xefe Governu promete Governu sei halo serbisu maka’as para halo ratifikasaun ba akordu refere iha tinan ida ne’e nia laran.

Taur hateten tuir Timor nia preferénsia hakarak ratifika akordu dala ida de’it ho Austrália tanba se Timor ratifika uluk maibé Austrália demora mós ninia validade ka implementasaun ne’e sei iha problema.

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here