Prezidente Tribunál Rekursu, Deolindo dos Santos. Imajen Tatoli/Egas Cristovão

DILI,(TATOLI) Prezidente Tribunál Rekursu, Deolindo dos Santos, pronúnsia rezultadu fiskalizasaun abstrata ba alterasaun Lei Atividade Petrolíferu (LAP) Konstitusionál.

“Fiskalizasaun ne’ebé Tribunál Rekursu halo, matéria hotu laiha inkonstitusionál, so ida de’it maka viola konstituisaun”, hateten Prezidente TR, Deolindo dos Santos, ba jornalista sira, ohin, iha Tribunal Rekursu.

Kona-ba detalladamente matéria ne’ebé viola konstituisaun, Diolindo dos Santos, labele fó sai lei la permite. “Ha’u kuandu fó sai matéria ne’ebé inkonstitusionál signifika ha’u fó sai konteúdu desizaun, tanba ne’e maka lei la permite fó sai kestaun ne’e”, salienta Diolindo dos Santos.

Parte seluk, Prezidente Parlamentu Nasionál, Arão Noe de Jesus, esklarese katak, supremu tribunál deklara artigu ida husi LAP maka inkonstitusionál, maske nune’e laiha ona alterasaun ba lei ne’e.

“Rezultadu di’ak, no tribunál deklara inkonstitusionál ba tratadu ne’ebé altera ba artigu rua husi alterasaun ne’e rasik”, hateten Arão Noe de Jesus.

Nia hatutan, laiha ona alterasaun, desizaun tribunál nian iha alínea ida maka labele implementa tanba inkonstitusionál no artigu ne’e suspendidu, maibé artigu seluk vale.

Jornalista: Zezito Silva

Editór: Francisco Simões

 

HAKEREK NO HATÁN

Please enter your comment!
Please enter your name here