Sekretáriu Estadu Ambiente Demétrio de Amaral de Carvalho. Imajen António Goncalves

DILI, (TATOLI) – Sekretáriu Estadu Ambiente (SEA), Demétrio do Amaral de Carvalho, hatete SEA sei halo re-aprezentasaun ba dekretu lei biodiversidade ne’ebé veta husi Prezidente Repúblika.

“Lei biodiversidade, ezbosu lei ne’ebé aprezenta ona iha Governu anteriór, aprova ona iha Konsellu Ministru, infelizmente ita-nia Prezidente Repúblika veta dekretu lei ne’e, ita sei halo re-aprezentasaun”, Demétrio afirma iha Fatuhada ohin.

Sekretáriu Estadu ne’e dehan Prezidente veta tanba opiniaun Xefe Estadu nian katak iha inkonstitusionalidade iha dekretu lei biodiversidade ne’e.

“Maibé Tribunál Rekursu fó ona paresér katak dekretu lei ne’e laiha inkonstitusionalidade tanba ne’e ami hanoin sei halo re-submisaun ba Konsellu Ministru hodi envia fali ba Prezidente Repúblika hodi hetan promulgasaun”, katak.

Eis deputadu ne’e mós ko’alia sobre ró sukata sira iha tasi laran ne’e presiza halo koordenasaun ho liña ministeriál, autoridade portuária, Ministériu Transporte no Komunikasaun, Polísia Mariña atu haree meiu intervensaun ida efetiva hodi asegura bainhira ró ne’e para liu tempu bele dada sai husi fatin ne’e.

“Labele ezgotadu hela de’it iha tasi laran no ne’e ladún di’ak ba estétika, ambientál, maibé mós ba ema sira ne’ebé atu halo atividade iha tasi ka luku ladún di’ak”.

Jornalista: Maria Auxiliadora

Editora: Rita Almeida

HAKEREK NO HATÁN

Please enter your comment!
Please enter your name here