Prezidente Tribunál Rekursu, Deolindo dos Santos. Imajen Egas Cristovão

DILI, (TATOLI) – Prezidente Tribunál Rekursu, Deolindo dos Santos, hateten tempu badak Tribunál Rekursu (TR) sei fó sai rezultadu fiskalizasaun abstrata ba alterasaun Lei Atividade Petrolíferu (LAP) ne’ebé iha janeiru liu-ba Prezidente Repúblika promulga ona.

“Iha loron ida ka rua nia laran Tribunál Rekursu sei desidi. Tribunál tenta para desizaun sai antes iha prazu ikus nia laran bazeia ba Kódigu Prosesu Sivíl haruka”, Deolindo ba jornalista sira iha Palásiu Prezudente Nicolau Lobato, Bairru Pité, segunda ne’e.

Nia haktuir prosesu ne’e agora la’o hela iha Tribunál Rekursu no tanba laiha regra ruma kona-ba prosesu konstitusionál entaun hakarak ka lakohi tenke aplika regra komun maka Kódigu Prosesu Sivíl.

“Tanba ne’e, bainhira simu pedidu ruma hosi Parlamentu Nasionál ka Prezidénsia Repúblika kona-ba fiskalizasaun abstrata, Tribunál tenke aplika regra Prosesu Sivíl. Katak, Tribunál notifika parte sira tuir Prosesu Sivíl no Tribunál mós sei deside tuir regra Prosesu Sivíl”, akresenta.

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here