Sekretáriu Estadu Komunikasaun Sosiál, Merício Juvenal dos Reis Akara. Imajen Egas Cristovão

DILI, (TATOLI) – Sekretáriu Estadu, Terra no Propriedade (SETP), Mario Ximenes, husu eis-funsionáriu Rádiu Televizaun Timor-Leste, Emprensa Públika (RTTL-EP) ba Sekretáriu Estadu Komunikasaun Sosiál (SEKOMS).

“Tanba ne’e mak sira mós husu ita-nia funsionáriu sira ne’ebé mak durante ne’e esperiénsia iha RTTL, bele mós apoiu sira ka lae, ita-nia posibilidade sempre iha”, haktuir Sekretáriu Estadu Merício Juvinal dos Reis Akara, bainhira TATOLI iha Palásiu Governu, ohin bainhira konfirma enkontru SETP, Mario Ximenes, sesta loro-kraik, semana kotuk.

Tuir Merício importante mak iha pedidu para koloka SEKOMS nia ema ne’ebé mak iha kapasidade atu ba reforsa.

“Sekretáriu Estadu Terra no Propriedade nia planu ida mak oinsá ita halo konsiénsializasaun, hahú hasa’e konsiénsia públiku, oinsá labele halo uma iha mota ninin, tanba udan mai bele fó ameasa ba sira”, hateten governante ne’e.

Enkuantu Mario Ximenes ba TATOLI sesta loro-kraik hafoin enkontru ho SEKOMS, katak sorumutuk ne’e inisiál ida, tanba iha asuntu balun ne’ebé mak iha ligasaun serbisu SEKOMS nian.

“Antes ami tama formalmente liuhusi karta ofisiál, primeiru ami iha koordenasaun uluk para hatene uluk saida mak ita bele fó apoiu ba malu, depois ita hetan solusaun, konkluzaun ida mak ita halo pedidu para buat hotu la’o”, afirma.

Jornalista: Rafy Belo

Editora: Rita Almeida

HAKEREK NO HATÁN

Please enter your comment!
Please enter your name here