Loggo TAF. Imajen hosi google

DILI, (TATOLI) – Tuir sondajen Organizasaun Naun Govermentál (ONG) Internasionál, Fundasaun Ázia (TAF-sigla inglés) ba populasaun rihun ida resin iha munisípiu, hatudu maioria asesu informasaun kona-ba situasaun rai-laran liuhosi Radiu Televizaun Timor-Leste, Empreza Públika (RTTL,EP).

Peskiza ne’ebé hala’o iha 2018, tuir Diretóra ba Polítika no Fortalesementu Institusionál Fundasaun Ázia, Carmeneza dos Santos Monteiro, sondajen ne’e hala’o iha munisípiu hotu, entrevista ema 1256.

“Rezultadu sondajen ne’e hatudu katak maioria populasaun hetan informasaun liuhosi televizasaun no agora dadaun ne’e TVTL nian aas liu no ami iha persentajen uitoan de’it maka asesu internet”, dehan nia ba jornalista sira hafoin relata rezultadu peskiza ne’e ba Sekretáriu Estadu Komunikasaun Sosiál (SEKOMS), Merício Juvenal dos Reis Akara, iha Palásiu Governu, ohin.

Hosi enkontru ne’e, ninia parte rekomenda ba SEKOMS hodi utiliza rezultadu peskiza ne’e hodi tau iha polítika Governu.

“Sondajen ne’e ami halo iha munisípiu hotu ho ami nia sampel ema hamutuk 1256”, afirma.

Tuir sira nian peskiza ema ne’ebé asesu internet liuhosi facebook no youtube hodi aprende siénsia.

Entretantu, durante sira nian hasoru malu, nia dehan SEKOMS mós dadaun ne’e prepara hela lei ba radiudifuzaun.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here