Ministru Prezidensia Konsellu Ministru, Hermenegildo Augusto Cabral Pereira.

DILI, (TATOLI)- Konsellu Ministru (KM), ohin, aprova ona alterasaun dahuluk dekretu Governu ne’ebé regula prosedimentu ba investimentu privadu nian.

Proposta ba alterasaun dahuluk dekretu Governu nú.2/2018, 21 Fevereiru ne’e, aprezenta husi Ministru Estadu Prezidénsia Konsellu Ministru, Hermenegildo Augusto Cabral Pereira nu’udar Ministru Estadu Koordenadór Asuntu Ekonómiku en ezersísiu.

Aprovasaun ne’e tanba iha nesesidade atu haree rejime tranzisaun nian ida. “Uluk lei foun tama, maibé pedidu balu pendente hela ba TradeInvest atu hola desizaun, maibé ha’u nu’udar ministru en ezersísiu ba koordenasaun asuntu ekonómiku submete ba Konsellu Ministru atu aprova tiha alterasaun dekretu Goveru ne’ebé regula investimentu privadu nian”, esplika Ministru Hermenegildo Augusto Cabral Pereira,  iha konferénsia imprensa, hafoin reuniaun KM iha Palásiu Governu.

Ministru Hermenegildo lia tun mos katak, Konsellu Ministru hatán hodi halo primeira alterasaun ba dekretu Governu ne’e atu fó fleksibilidade uitoan hodi konsidera investimentu sira iha  rai  laran ne’ebé husu sertifikadu investment.

Jornalista: Maria Auxiliadora

Editor: Francisco Simões

HAKEREK NO HATÁN

Please enter your comment!
Please enter your name here