Ministru Negósiu Estranjeiru no Kooperasaun (MNEK), Dionísio Babo Soares, no Sekretáriu Estadu Formasaun Profisionál no Empregu (SEFOPE), Julião da Silva. Foto/MNEK.

DILI, (TATOLI) – Governu liuhosi Sekretariu Estadu Formasaun Profisionál no Empregu (SEFOPE), ho Ministériu Negósiu Estranjeiru no Kooperasaun (MNEK) tempu badak servisu hamutuk ho Governu Korea atu identifika timoroan sira ne’ebé serbisu ilegál iha país ne’e atu deporta mai.

Sekretáriu Estadu Formasaun Profisionál no Empregu, Julião da Silva, hatete daudaun ne’e timoroan ne’ebé serbisu iha Korea liu ema na’in-2000, enkuantu ilegál ne’e pur volta 200.

“Tenke haruka fila, tanba sira-nia kontratu hotu ona. Agora sira-nia família hein hela sira”, Julião salienta iha Ministériu Negósiu Estranjeiru no Kooperasaun Praia dos Coqueiros, ohin.

Julião da Silva mós informa kona-ba traballadór timoroan sira ne’ebé serbisu iha país refere no fila ona mai Timor-Leste (TL) tanba kontratu hotu ona ne’e kuaze na’in-500 no sira ne’ebé ilegál mak fila ona mai iha 100.

Atubele haruka traballadór timoroan sira ne’ebé ilegál ne’e mai fali TL, Julião dehan ne’e depende ba imigrasaun Korea nian no adidu no embaixadór TL nian.

“Kuandu servisu hamutuk ho imigrasaun Korea nian bainhira di’ak no identifika timoroan ne’ebé ilegál haruka fila ona, sira labele iha ne’ebá kleur, la’e prejudika relasaun entre nasaun rua ne’e”.

Jornalista: Maria Auxiliadora

Editora: Rita Almeida

HAKEREK NO HATÁN

Please enter your comment!
Please enter your name here