Eis-Embaixadora Timor-Leste ba Portugal, España no Kabuverde, Maria Paixão, hafoin relata ninia misaun diplomatika ba Prezidente Repúblika iha Palásiu Prezidensiál Bairru Pité, ohin. Imajen mídia PR

DILI, (TATOLI) – Eis-Embaixadora Timor-Leste ba Portugal, Maria Paixão, hateten sira buka tuir duni Emília Pires iha Portugal maibé la konsege hetan, tanba la rejista iha embaixada hanesan timoroan.

“Ha’u simu duni karta ida hosi Ministériu Negósiu Estranjeiru Kooperasaun Timor-Leste para buka tuir Eis Ministra Finansa, Emília Pires, iha Portugal. Ha’u monta duni ekipa ida buka Emília iha Portugal laran, maibé la konsege hetan tanba nia la rejista iha Embaixada Timor-Leste ba Portugal hanesan timoroan”, diplomata ne’e ba jornalista sira iha Palásiu Prezidente Nicolau Lobato, Bairru Pité, tersa ne’e hafoin relata misaun diplomata ba Xefe Estadu.

Nia haktuir timoroan sira ne’ebé rejista iha embaixada hanesan timoroan, sira iha númeru telefone hotu, iha dirasaun no email, menus Emília de’it maka lae.

Paixão katak nunka hatene Emília Pires hanesan sidadaun Portugal ka sidadaun ne’ebé nian, tanba nia nunka hetan Emilia iha Portugal durante mandatu hanesan embaixadora.

“Ha’u nia ekipa sira hein iha igreja katak karik nia ba misa maibé nia la mosu no tenta buka to’o iha prédiu hodi hatudu ninia fotografia maibé ema la koñese”, Maria Paixão konta.

http://www.tatoli.tl/2018/05/tdd-hahu-julga-eis-vise-ministra-finansa/

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here