Prezidente KFP, Faustino Cardoso. Imajen António Goncalves

DILI, (TATOLI) – Prezidente Komisaun Funsaun Públika (KFP), Faustino Cardoso, hateten prosesu reforma no seguransa sosiál oras ne’e la’o hela.

“Kona-ba reforma no seguransa sosiál la’o hela, tanba ita hotu akompaña oras ne’e dadaun iha ona Institutu Nasionál Seguransa Sosiál ho nia prezidente no vogál sira hahú hala’o sira nia serbisu”, nia dehan ba jornalista sira iha Palásiu Prezidente Nicolau Lobato, Bairru Pité, segunda ne’e.

Nia haktuir durante ne’e ema hato’o rekerimentu ba pensaun ka reforma ne’e la’o hela dadaun.

“Ema sira ne’ebé ho idade tinan 60 ba leten barak ona maka hato’o pedidu atu sai reforma no hetan pensaun tuir lei define”, Cardoso hatutan.

Nia rekoñese prinsípiu obrigatoridade seidauk operasionaliza, tanba ne’e iha tempu badak KFP sei hato’o proposta dekretu lei ida kona-ba planeamentu forsa traballu ne’ebé iha ne’ebá iha artigu ida maka obriga funsionáriu ho idade tinan 60 ne’e tenke tama ona ba reforma.

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here