Ministru Interiór Interinu no atuál Ministru Defeza, Filomeno Paixão, akompaña hosi Komisáriu Julio Hornay iha serimónia ida, foin lalais ne'e. Foto: Egas Cristovão

DILI, (TATOLI)-Mandatu Komandante Jerál Polisia Nasionál Timor Leste (PNTL), Komisáriu Julío da Costa Hornay ho nia Adjuntu Komisáriu, Faustino da Costa nian, sei termina iha loron 27 fulan Marsu tinan 2019.

Komisáriu Julío Hornay ho nia Adjuntu Faustino da Costa, hala’o nia kna’ar besik tama ona tinan haat (4), nune’e Konsellu Superior Defeza no Seguransa komesa halo  reuniaun hodi diskuti molok lori ba aprezenta iha reuniaun Konsellu Ministru.

Ministru Defeza no Ministru Interiór Interinu, Filomeno Paixão, hateten, Konsellu Superiór Defeza no Seguransa deskute ona mandatu Komisáriu Julío Hornay ho nia Adjuntu Komisáriu Faustino da Costa nian, maibé to’o ohin loron, seidauk iha relatóriu ruma mak entrega ba  Ministru Defeza no Ministru Interiór Interinu.

Ba jornalista sira, ohin, iha Ministeriu Finansas, Dili, Ministru Filomeno Paixão, hateten, terde liu iha semana ne’e nia laran sei relata nomeasaun foun ba Governu liu husi reuniaun Konsellu Ministru.

 “Se mak atu kandidatu ha’u seidauk bele fó sai hodi hein desizaun husi Konsellu Ministru,” afirma Ministru Filomeno Paixão.

Jornalista:Agapito dos Santos

Editor: Francisco Simões

HAKEREK NO HATÁN

Please enter your comment!
Please enter your name here