Lider rezisténsia, Kay Rala Xanana Gusmão. Imajen António Gonçalves

DILI, (TATOLI) – Governu liuhosi Ministériu ba Asuntu Kombatente Libertasaun Nasionál, ohin lansa livru istória iha Sentru Konvensaun Dili (CCD-sigla portugés).

Livru ne’e hakerek hosi Kay Rala Xanana Gusmão ho tittlu historiar a historia hahú hosi tinan 1974 to’o 1999 ho pájina 31.

Livru ne’e hakerek kona-ba Cessar Fogo iha tinan 1983, konferénsia nasionál ba re-organizasaun rezisténsia hosi loron 1 to’o 8 marsu 1981 iha Aitana.

Reptura Sercu iha matebian loron 22 novembru 1978, komarka ba saudozu Francisco Xavier do Amaral iha jullu 1977, kompañia de an iguilamento iha jullu 1977 no novembru 1978 nomos reuniaun daruak komité Sentrál FRETILIN iha Aitana no Laline iha maiu 1977 no istória sira seluk to’o 1999.

“Istória ne’e hakerek hosi akontesementu 1974 ko’alia kona-ba ASDT–FRETILIN, kontra Golpe, baze de apoiu rahun, konferénsia nasionál hodi re-organiza, hili estrutura komité sentrál hodi kompleta tan estrutura rezisténsia ninian to’o 1999”, dehan Ministru en Ezersísiu ba Asuntu Kombatente Libertasaun Nasionál, Gil da Costa Monteiro Oan Soru, ba jornalista sira iha komemorasaun loron veteranu ba daruak.

Istória ne’e mesmu la detallu liu maibé Sekretáriu Estadu ne’e hatete hanesan aliserse atu jerasaun foun sira bele aprende loloos istória ne’e.

“Ohin simbolikamente fó livru ne’e ba jerasaun foun sira”, tenik Governante.

Ofisialmente livru ne’e entrega ba kada universidade hanesan Universidade Nasionál Timor Lorosa’e (UNTL), Universidade Dili (UNDIL), Dili Institutu Teknolojia (DIT), Institutu ba Bisnis (IOB), Kristal, Institutu Siénsia no Relijioza (ICR-sigla portugés), Institutu Siénsia no Saúde (ICS) inklui partisipante sira iha seremonia ne’e.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here