Sekretáriu Estadu Antigu Kombatente Libertasaun Nasionál, Gil da Costa Monteiro. Imajen Egas Cristovão

DILI, (TATOLI)—Sekretáriu Estadu Antigu Kombatente Libertasaun Nasionál, Gil da Costa Monteiro, dehan lei seidauk defini kona-ba valorizasaun Kombatete Libertasaun Nasionál (KLN) ne’ebé dedika án ba funu libertasaun nasionál durante tinan tolu iha baze apoiu (ailaran).

“Lei ko’alia de’it kona-ba ‘Quatro a Sete’ (tinan 4-7), ‘oito a catorze’ (8-14), ‘quinze a dizanove’ (15-19) no ‘vinte a vinte quatro’ (20-24)”, nia dehan ba jornalista sira iha Sentru Konvensaun Dili (CCD-sigla portagés), sabadu ne’e.

Gil katak atu rekoñese dedikasaun tinan tolu iha baze apoiu tenki muda lei. “Aban  bainrua muda lei depois maka ha’u ko’alia ba ita-boot sira. Bainhira seidauk muda lei ha’u nunka atu promete ba ita-boot sira”, akresenta.

Kona-ba rejistu foun ba veteranu sira, eis gerileiru ne’e hatán, rejistu foun ba veteranu sira laiha ona no karik iha presiza mós muda lei, tanba iha Estatutu Kombatente Libertasaun Nasionál ko’alia de’it kona-ba primeiru rejistu no segundu rejistu, maibé la ko’alia kona-ba terseiru rejistu.

“Atu ko’alia kona-ba terseiru rejistu, tenke halo alterasaun ba lei Nú. 3/2006 altera ba lei Nú. 9/2009 depois altera fali ba lei Nú. 2/2011″, afirma.

Jornalista: Xisto Freitas

Editora: Rita Almeida

1 KOMENTÁRIU

  1. Lei konaba kombate libertasaun Nasional nian sim klaru katak lei refere sei dauk defini lolos konaba partisipasaun membro Klandestina, Diplomata, ho Armada sira nian ho klaru. Tamba nee molok atu verifika dadus 2009 nian, hau hanoin persisa halo lai Revisaun ba lai refere depois mak sei halo verifikasaun ba dadus 2009 nian.
    Obrigado.

HAKEREK NO HATÁN

Please enter your comment!
Please enter your name here