SEA-MAE Sei Solusiona Lixu

0
109
Sekretáriu Estadu Ambiente, Demétrio de Amaral de Carvalho. Imajen Egas Cristovao

DILI, (TATOLI) – Sekretáriu Estadu Ambiente (SEA), Demétrio do Amaral de Carvalho, hatete atu reforsa polítika jestaun lixu, SEA koopera ho Ministériu Administrasaun Estatál (MAE) buka estratéjia ne’ebé di’ak hodi fó solusaun ba lixu.

Tanba ne’e maka halo hela negosiasaun ho entidade potensiál sira ne’ebé hakarak halo investimentu diretu iha tratamentu lixu nian.

“Tanba ohin loron ita-nia rekursu Orsamentu Jerál Estadu limitadu, entaun ita buka meiu atu haree prioridade sira ne’ebé ita bele reforsa liuhusi investimentu estranjeiru sira”, Demétrio dehan iha Palásiu Governu, ohin.

Sekretáriu Estadu ne’e dehan iha entidade lubuk ida balun husi Xina, Indonézia, Portugál mak ko’alia sobre jestaun lixu no Timor-Leste haree mekanizmu ida di’ak liu atu futuru bele aprezenta poténsia investimentu hanesan ne’e para mellora jestaun lixu iha Timor-Leste.

Enkuantu sobre jestaun lixu iha kapitál loloos ne’e iha Munisípiu Dili nia liman, Ministériu Administrasaun Estatál mak superviziona munisípiu sira hodi halo jestaun ba lixu no SEA reforsa polítika jestaun lixu hodi koopera duni ho MAE hodi buka estratéjia ida di’ak.

Foin lalais ne’e SEA halo enkontru ho Empreza Eco Eviro International husi Xina no Indonézia ne’ebé maka halo aprezentasaun kona-ba jestaun lixu nian.

Jornalista: Maria Auxiliadora

Editora: Rita Almeida

HUSIK IDA HATÁN