Governu Sei Prosesa Vítima Dezastre Naturál

0
81
Sekretáriu Estadu ba Protesaun Sivíl Alexandrino de Araújo. Imajen António Goncalves

DILI, (TATOLI) – Sekretáriu Estadu Protesaun Sívil, Alexandrino de Araújo, husu ba komunidade ne’ebé sai vítima ba dezastre naturál atu hein uitoan, tanba Orsamentu Jerál Estadu (OJE) 2019 foin promulga.

“Tanba ita-nia lei orgánika oitavu governu ba apoiu emerejénsia ne’e husi Sekretáriu Estadu Protesaun Sívil, maibé atu fó asisténsia umanitária, hadi’a fali uma aat ne’e husi Ministériu Solidariedade Sosiál no Inkluzaun”, katak Alexandrino de Araújo ba jornalista sira iha Largo Lecidere hafoin lansamentu sistema alerta tsunami, ohin.

Nia dehan prosesu dadus mai hosi autoridade munisipál ho kazu anin boot, mota sobu uma ho seluk tan.

“Maibé foin dadaun hanesan iha Mota Ulun (Mota Kasnafa Manleu-red) ninian, iha Bis ida (Perkiki, Bus Diresaun Díli, Suai) mota lori, ida ne’e ita fó kedan apoiu diretamente; apoiu primeiru, intervensaun fó kedas, inklui mós hahan”, afirma.

Ministra Solidariedade Sosiál no Inkluzaun
Armanda Berta dos Santos. Foto António Goncalves

Enkuantu, Ministra Solidariedade Sosiál no Inkluzaun (MSSI), Armanda Berta dos Santos, konfirma apoiu ba vítima dezastre naturál, iha oitavu governu konstitusionál nian orienta ba Sekretáriu Estadu Protesaun Sívil no MSSI haree ba apoiu umanitária.

Implementasaun polítika apoiu umanitária no vítima dezastre naturál deskreve iha programa oitavu governu konstitusionál, ne’ebé aprovadu iha Konsellu-ministru, iha loron 20 jullu 2018, tinan kotuk.

Jornalista: Rafy Belo

Editora: Rita Almeida

HUSIK IDA HATÁN