Governu Sei Instala Sentru Internet Ba Jornalista

0
94
Sekretáriu Estadu Komunikasaun Sosiál (SEKOMS), Merício Juvenal dos Reis Akara, sorumutu ho Sekretáriu Estadu Formasaun, Profesionál no Empregu (SEFOPE), Julião Da Silva, iha Palásiu Governu, ohin. Imajen Egas Cristovão

DILI, (TATOLI) – Atu fasilita servisu jornalista hodi halo kobertura ba atividade governu iha Palásiu Governu, Sekretáriu Estadu Formasaun, Profesionál no Empregu (SEFOPE), Julião da Silva, hatete sei apoiu Sekretáriu Estadu Komunikasaun Sosiál (SEKOMS) hodi instala sentru internet ba jornalista sira depois Orsamentu Jerál Estadu (OJE) 2019 promulga.

“Osan iha ona maka ita sei haree tipu de instalasaun, hola komputadór, instala internet ou halo fatin de’it ba jornalista”, tenik nia ba jornalista sira hafoin sorumutu ho SEKOMS, Merício Juvenal dos Reis Akara, iha Palásiu Governu, ohin.

Nia dehan bainhira iha ona orsamentu bele halo mós instalasaun iha resintu Parlamentu Nasionál inklui Palásiu Prezidensial hodi fasilita servisu jornalista sira diariamente.

Ekipa instalasaun, SEFOPE sei foti tékniku sira hosi Sentru Formasaun Tibar, Sentru Formasaun Bekora nomos Don Bosco Komoro.

Hasoru malu ne’e nia dehan rona hanoin hosi SEKOMS kona-ba evolusaun polítika no lalaok governasaun tanba SEKOMS mak iha responsabilidade kona-ba lalaok governu bainhira simu informasaun hosi Primeiru-Ministru.

Jornalista: Agapito dos Santos

Editora: Rita Almeida

HUSIK IDA HATÁN