Prezidente Parlamentu Nasionál, Arão Noé de Jesus, simu Prezidente Repúblika, Francisco Guterres Lú Olo, iha uma fukun hodi loke kinta lejizlatura. Imajen António Goncalves

DILI (TATOLI)Prezidente Parlamentu Nasionál, Arão Noe, konfirma nia parte hetan ona informasaun husi Prezidente Repúblika, Francisco Guterres Lú Olo, katak Xefe Estadu atu halo tratamentu saúde iha Malázia hosi loron 17 to’o 24 fevereiru.

“Enkontru lider bankada iha kinta feira, ha’u informa ona ba deputadu sira no kopia fahe ona ba sira kona-ba Prezidente Repúblika sei desloka atu halo konsulta, iha loron 17 to’o 24 fevereiru ba Malázia”, tenik ba jornalista sira, ohin.

PPN dehan ida ne’e ho karaktér halo konsulta, sei laiha substituisaun ba Xefe Estadu, tanba la’os ba tratamentu moras ida grave. 

Entretantu, liuhosi tuir komunikadu ne’ebé divulga husi Prezidénsia Repúblika, Xefe Estadu sei auzente husi teritóriu nasionál.

“Prezidente Repúblika sei husik Timor-Leste ba Kuala Lumpur, Malázia ho motivu asisténsia médika. Prezidente Repúblika sei fila fali mai Timor-Leste iha loron 24 fevereiru 2019”, refere komunikadu.

Jornalista: Julia Chatarina

Editora: Rita Almeida

HAKEREK NO HATÁN

Please enter your comment!
Please enter your name here