Prokuradór Jerál Repúblika (PJR), José da Costa Ximenes.

DILI, (TATOLI) – Prokuradór Jerál Repúblika (PJR), José da Costa Ximenes, rekoñese notifikasaun ba dirijente partidu Kongresu Nasionál Rekonstrusaun Timor (CNRT-sigla portugés), Kay Rala Xanana Gusmão, estatutu ministériu públiku no kódigu prosesu penál la admite, maibé ho intensaun husu konsiderasaun atu oinsá lori Francisco Kalbuadi Lay hatan ba prosesu justisa.

“Ita haruka notifikasaun ba nia (Kalbuadi) maibé nia lakohi mai no ita haruka notifikasaun ba Parlamentu Nasionál maibé nia la serbisu iha ne’ebá, entaun haruka notifikasaun ba iha ninia dirijente partidu atu husu konsiderasaun”, klarifika José Ximenes ba jornalista sira iha Palásiu Prezidente Nicolau Lobato, Bairru Pité, tersa ne’e hafoin soru-mutu ho Xefe Estadu, Francisco Giterres Lú Olo.

José Ximenes hatutan Ministériu Públiku notifika Prezidente Partidu CNRT, Kay Rala Xanana Gusmão, tanba Sekretáriu Jerál CNRT, Francisco Kalbuadi Lay, la kumpre notifikasaun hosi MP.

Ho situasaun ne’e, nia dehan MP sei buka medida seluk bolu Kalbuadi atu hatan.

Kona-ba kazu ne’ebé Kalbuadi komete, nia hatán seidauk bele fó sai tipu kazu ne’ebé Kalbuadi involve, tanba oras ne’e MP sei halo hela investigasaun.

Jornalista: Xisto Freitas

Editora: Rita Almeida

1 KOMENTÁRIU

  1. Notifikasaun haruka direita ba Kalbuady mak lakoi mai ne’e halo karta kapturasun deit para PNTL ba kaptura.

    Klaru ke Xanana ne’e laiha dalan atu halo notifikasaun ba tamba lider ida nebe autor ba ukun an, maibe hanesan Presidente partido karta notifikasaun ne’e bele diriji ba no diriji mos ba secjen partido.

HAKEREK NO HATÁN

Please enter your comment!
Please enter your name here