China Prontu Apoiu TL Dezenvolve RTTL

0
172
FOTO SEKOMS

DILI (TATOLI)—Governu Repúblika China promete sei fó tulun ba Timor-Leste, liu-liu instituisaun Radio Televizaun Timor-Leste (RTTL).

Apoiu ba dahuluk nian, hosi China mak dijitalizasaun RTTL ne’ebé sei implementa iha tinan ida ne’e (2019),  hafoin ida ne’e sei kontinua apoiu iha area oioin, kapasitasaun ba Jornalista señór sira, ba parte tékniku nian no area sira seluk, kuandu RTTL presiza.

Sekretáriu Estadu Komunikasaun Sosiál, Merício Juvinal Dos Reis Akara informa, iha fulan Janeiru (data seidauk termina) governu Timor-Leste ho China sei selebra akordu ida iha Timor hodi aselera prosesu ba dezenvolvimentu institusionál RTTL nian.

Nu’udar prosesu kontinuasaun hosi vizita sekretáriu estadu nian iha loron 24 too 28 fulan Dezembru, iha Nasaun China, hodi observa no komunika  direta ho Governu China no kompañia implementador, projetu dijitalizasaun Rádiu Televizaun Timor Leste, Empreza Públika (RTTL,EP).

“Iha vizita ida ne’e, ita ko’alia konaba prosesu implementasaun, ne’ebé maka  iha fulan ida née,  tinan 2019, sei iha asina akordu implementasaun husi Governu Timor Leste no China, ne’ebé sei hala’o iha Timor leste, hodi aselera ona prosesu ida ne’e,“ Sekretáriu Estadu Akara esplika liu hosi komunikadu imprensa ne’ebé Tatoli,IP asesu, ohin.

Membru Governu ne’e ralsa, Projetu ne’e rasik (Dijitalizasaun), hetan apoiu osan husi Governu China ho montante millaun lima dolar amerikanu, no husi parte Timor Leste sei prepara kondisaun maka hanesan, fatin ba konstrusaun no seguransa.

Entretantu Governante ne’e fiar katak, ho servisu hamutuk ho parte hotu, projetu implementasaun ba dijitalizasaun RTTL,EP sei la’o ho susesu.

Iha parte seluk sekretáriu estadu komunikasaun sosiál vizita ba China bazeia ba desizaun Konsellu Ministru.

Durante vizita iha Beijing-China, membru Oitavu Governu Konstitusionál ne’e hala’o vizita ba National Engineering Lab. For DTV, Tsinghua University, CCTV, China Potevio Co,Ltd., National Radio and Television Administration  no seluk tan.

Ekipa Kobertura

HUSIK IDA HATÁN