Programa ODS. Foto Google

DILI (TATOLI) –Relatóriu ba progresu  Objetivu Dezenvolvimentu Sustentável (ODS) hosi Timor-Leste (TL), sei aprezenta ba Nova Iorké iha fulan Jullu, tinan ida ne’e.

Koordenadora Unidade Planeamentu, Monitorizasaun no Avaliasaun (UPMA) iha Gabinete Primeiru Ministru nian, Brígida Soares, hato’o asuntu ne’e bainhira lidera reuniaun dahuluk ho membru permanente ODS nian iha Palásiu Governu, ohin

“Ida ne’e reuniaun dahuluk hosi membru permanente ODS nian, atu diskute kona-ba progresu ODS nia iha Timor-Leste, nune’e iha fulan Jullu, tinan ida ne’e bele hato’o relatóriu ba Nova Iorke,” Brígida Soares ba jornalista sira hafoin halo enkontru.

Nia esplika objetivu hosi sorumutu ne’e mak grupu permanente ODS nian, hanesan governu, sosiedade sivíl, akadémiku, parseiru dezenvolvimentu sira, korpu diplomátiku, setór privadu, grupu feto sira, defisiente, atu diskute kona-ba preparasaun ba kolesaun dadus liuliu ba progresu ODS nian durante ne’e Timor-Leste estabelese.

Hatán kona-ba progresu ODS iha Timor-Leste, nia dehan “ha’u labele esplika tanba kuandu ita ko’alia, presiza iha dadus, nune’e mak grupu traballu deside ona oinsá mak atu halo kolesaun ba dadus hosi implementasaun ODS rasik.”

Enkuantu, tuir planu, iha Maiu, draft dahuluk kona-ba progresu implementasaun ODS sei remata, públiku sei hatene nia progresu to’o ona iha ne’ebé.

Jornalista : Zezito Silva

Editór : Manuel Pinto

HAKEREK NO HATÁN

Please enter your comment!
Please enter your name here