Komandante Jerál Polísia Nasionál Timor-Leste (PNTL), Komisáriu Júlio da Costa Hornay.

DILI, (TATOLI) – Asidente ne’ebé akontese hahú hosi kinta (17/1) semana kotuk to’o mai ohin loron hamutuk 35 no entre na’in 35 ne’e iha ema na’in rua maka mate.

Komandante Jerál Polísia Nasionál Timor-Leste (PNTL), Komisáriu Júlio da Costa Hornay, hato’o informasaun ne’e ba jornalista sira iha Palásiu Prezidente Nicolau Lobato, Bairru Pité, kinta ne’e, hafoin relata situasaun seguransa rai laran ba Prezidente Repúblika, Francisco Guterres Lú Olo.

Nia haktuir ema na’in rua mate ho asidente ne’ebé diferente maka hanesan, ema na’in ida mate kauza hosi kareta baku fila tanba tula sasán liu fali kapasidade kareta no labarik ida mate kauza hosi kareta soke iha Baukau bainhira atravesa estrada.

Aleinde ne’e, Hornay haktuir akontese mós insidente kuaze hamutuk 40 no kazu boot liu maka ofensa integridade fízika simples (baku malu no tuda malu) ho mós kazu artes marsiais.

Kazu hirak ne’e, nia informa polísia halo kedas intervensaun no konsege kaptura balun no balun halai. Balun ne’ebé hetan kapturasaun polísia prosesa hela iha Ministériu Públiku depois lori ba Tribunál.

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here