Prezidente Parlamentu Nasionál, Arão Noé. Imajen António Goncalves

DILI (TATOLI) Prezidente Parlamentu Nasionál, Arão Noé, hateten Timor-Leste presiza halo alterasaun lei kona-ba reseita nian hafoin Parlamentu Nasionál (PN) bele ratifika tratadu fronteira Marítima.

“To’o agora governu seidauk lori tratadu fronteira Marítima mai parlamentu tanba ita sei presiza aselera hodi altera fila fali lei sira uluk hanesan lei kona-ba reseita nia hodi ajusta,” Arão Noé ba jornalista sira iha PN, ohin.

Arão hatutan, Alterasaun lei ne’e ho razaun katak durante ne’e iha ona atividade balun, molok akordu fronteira Marítima asina, hanesan atividade mina rai nia, Bayu-Undan, no Buffalo. Tanba mina rai iha fatin rua ne’e Timor-Leste nian, tenke altera lei sira uluk hodi ajusta atu Timor kobra hotu reseita hosi fatin hirak ne’e.

“Lejizlasaun hirak ne’e, kompeténsia governu nian, hanesan lei kona-ba reseita, lei kona-ba atividade sira iha tasi laran, ne’ebé iha relasaun ho atividade kompañia nian.”

“Uluk sira selu impostu, sira uza lei Australian nian. Nune’e mak atu tama atividade Timor-Leste nian, sira tenke kumpre lei Timor-Leste nian. Enkuantu tuir informasaun katak lei iha lima mak presiza halo aliterasaun hodi ajusta inklui dekretu lei balun,” Arão esplika tan.

Jornalista : Zezito Silva

Editór : Manuel Pinto

HAKEREK NO HATÁN

Please enter your comment!
Please enter your name here