Prosesu votasaun iha espesialidade Orsamentu Jerál Estadu (OJE) 2018 iha uma fukun Parlamentu Nasionál. Imajen António Goncalves

DILI (TATOLI) –Parlamentu Nasionál (PN) ohin asina nota entendimentu (asina memorandum of understanding-MoU) ho  ManipalHospital Malaysia, ho objetivu fasilita atendimentu saúde ba membru PN (Deputadu/a) ho funsionáriu sira.

Sekretáriu Jerál Administrasaun Parlamentár, Adelino Afonso de Jesus, informa MoU ne’e asina tanba ospitál Timor-Leste (Ospitál Nasionál Guido Valdares-HNGV) la iha ona posibilidade atu trata pasiente sira.

“Memorandum entendimentu, ohin asina ona, hahú hosi ohin, parlamentu servisu hamutuk ho ManipalHospital Malaysia nia atu fó atendimentu ka tratamentu ba deputadu sira no funsionáriu parlamentu nian, enkuantu ospitál Timor-Leste la posivel atu salva,” Adelino Afonso ba jornalista sira hafoin halo asinatura ho Managing Director & CEO, Dr.h.c. Gaurav Rekhi, iha sala konferénsia parlamentu nian.

Nune’e kontratu ne’ebé parte rua ne’e ohin asina ho durasaun tinan ida nian, hahú iha 2019. Ka kontratu anuál hafoin halo revizaun bainhira iha finál tinan foun.

Previzaun ba asinatura kontratu ne’e atu atende ba pasiente parlamentu nian iha 2019 ba oin, ho ospitál rua mak; ManipalHospitals Malaysia no Siloam, Indonézia.

“Sorumutu ohin, parlamentu trasa planu kleur ona. Tanba tinan hirak liu ba parlamentu estabelese kontratu ho ospitál rua mak ospitál Singapura no ida iha Indonézia, maibé tinan 2019 ba oin iha kontratu foun ho ospitál foun rua,” nia esplika.

Entretantu, iha semana hirak tuir mai parlamentu nasionál, sei asina tan kontratu ho ospitál Siloam hodi fó tratamentu saúde ba deputadu sira no funsionáriu sira iha parlamentu.

Jornalista : Zezito Silva

Editór : Manuel Pinto

1 KOMENTÁRIU

  1. Politika saida maka nee?Politika nebee laiha moral. Laiha justisa lolos iha rai ida nee duni. Ema sira nebee kaer poder mak sempre goza diak. Povu kiik sira hasoru difikuldade boot kuandu sira moras. Ukun rasik an nee laos membru PN no funsionariu sira deit nia kusta.

HAKEREK NO HATÁN

Please enter your comment!
Please enter your name here