SEKOMS, Mericio Akara. Imajen Antonio Goncalves

DILI, (TATOLI) – Sekretáriu Estadu Komunikasaun Sosiál (SEKOMS), Mericío Juvenal dos Reis Akara, hateten Governasaun da-ualu garante liberdade imprensa ba jornalista sira atu halo kobertura no públikasaun  bazea ba kode étika jornalista-nian.

“Jornalista sira a vontade servisu, laiha problema, maibé tenke tuir kode étika jornalista, lei komunikasaun sosiál  sai baze legál inklui regra sira seluk”, deklara SEKOMS ba jornalista sira iha Palásiu Governu, ohin.

Kona-ba informasaun ne’ebé espalla iha públiku, SEKOMS orienta ninia funsionáriu hodi interven  servisu jornalista, Merício rejeita hodi hatete informasaun falsu  ne’ebé lansa hosi grupu balun ne’ebé ho intensaun atu estraga imajen instituisaun.

“To’o ohin dader nein iha intervensaun ida ba ita-boot sira (jornalista) nia kna’ar, tanba ha’u iha kompromisu hodi dezenvolve mídia, tanba ha’u dehan bebeik ona mídia sai pilar importante iha demokratizasaun”, afirma.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here