Ministra Finansa em ezersisiu, Sara Lobo Brites. Foto António Goncalves

DILI, (TATOLI) – Ministra Finansa en ezersísiu, Sara Lobo Brites, hateten governu aloka orsamentu duodésimal milliaun $71 ba fulan-janeiru hodi funsiona makina Estadu no selu ba funsionáriu públiku sira.

“Orsamentu ba selu saláriu funsionáriu iha fulan-janeiru laiha problema”, dehan Governante hafoin partisipa enkontru Konsellu Ministru estraordináriu iha Palásiu Governu, ohin.

Antes ne’e, nia informa totál reseita iha kaixa Estadu hamutuk milliaun $296, sufisiente hodi funsiona makina Estadu, durante prosesu hein promulgasaun proposta Orsamentu Jerál Estadu (OJE) 2019 hosi Prezidente Repúblika.

Desizaun governu uza duodesimál ne’e bazea ba lei númeru 13/2009,21 outobru ne’ebé altera ho lei númeru 4/2013/III, 7 agostu kona-ba orsamentu no jestaun finanseira no prevee mós iha artigu 31 se kazu OJE la tama iha vigór iha inisiu tinan finanseira akontese bele iha aplikasaun ba rejime duodesimál ho modo atu permite atividade normál Estadu nian.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here