Sekretáriu Estadu Komunikasaun Sosiál (SEKOMS), Merício Juvenal dos Reis Akara, akompaña hosi Prezidente RTTL.EP indijitadu, Francisco da Silva Gari, no Prezidente Ezekutivu, José da Costa, hasoru Ministru Reforma Lejislativa no Asuntu Parlamentár, Fídelis Leite Magalhães, iha Palásiu Governu, ohin. Imajen Egas Cristovão

DILI, (TATOLI) – Sekretáriu Estadu Komunikasaun Sosiál (SEKOMS), Merício Juvenal dos Reis, akompaña hosi Prezidente Konsellu Administrasaun Radiu Televizaun Timor-Leste, Emprensa Públika (RTTL, EP) indijitadu, Francisco da Silva Gari, no Prezidente Konsellu Diretivu Ajénsia Notísia Estadu Tatoli, José da Costa, ohin hasoru Ministru Reforma Lejislativa no Asuntu Parlamentár, Fídelis Leite Magalhães, iha Palásiu Governu.

Sekretáriu Estadu Komunikasaun Sosiál (SEKOMS), Merício Juvenal dos Reis Akara, akompaña hosi Prezidente RTTL.EP indijitadu, Francisco da Silva Gari, no Prezidente Ezekutivu, José da Costa, ba jornalista sira hafoin hasoru Ministru Reforma Lejislativa no Asuntu Parlamentár, Fídelis Leite Magalhães, iha Palásiu Governu, ohin. Imajen Egas Cristovão

“Pontu importante hosi ministru maka oinsá hahú hanoin ona mídia hodi kontribui ba dezenvolvimentu nasaun hodi promove idea pozitivu, konstrutivu,  edukativu, inovativu, hodi motiva sidadaun atu dezenvolve no fó atensaun ba rekursu nasaun, liliu setór turizmu iha nivel nasionál no internasionál hodi atrai  turista mai rai-laran”, dehan SEKOMS ba jornalista depois hasoru malu.

Nia dehan ministru sujere atu instituisaun Estadu ne’e bele fó m’os espasu ba timoroan iha rai liur atu hato’o hanoin no opiniaun konstrutivu hodi apoiu prosesu dezenvolvimentu nasaun tanba mídia hola papel ida atu apoiu prosesu ne’e.

Iha parte seluk ko’alia mós kona-ba planu pose ba Prezidente Konsellu Administrasaun RTTL,EP foun no planu balun ne’ebé presiza atu implementa hodi hadi’a RTTL,EP.

Planu asaun SEKOMS ba tinan lima maka atu hametin kooperasaun no kolaborasaun servisu entre RTTL,EP, TATOLI no Radiu Komunidade.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here