Prezidente Komisaun Funsaun Públika, Faustino Cardoso, ho ekipa ohin hasoru Primeiru-Ministru, Taur Matan Ruak, iha Palásiu Governu, ohin. Imajen Egas Cristovão

DILI, (TATOLI) – Prezidente Komisaun Funsaun Públika (KFP), Faustino Cardoso, ho ekipa ohin hasoru Primeiru-Ministru, Taur Matan Ruak, iha Palásiu Governu hodi aprezenta proposta promosaun grau ba funsionáriu hamutuk 10.455 hodi konkore vaga hamutuk 1.400 tuir grau ida-idak.

Enkontru ne’e atu hetan forsa polítika ida hosi governu atu oinsá bele aprova rezolusaun governu liuhosi reuniaun Konsellu Ministru ba promosaun ne’e rasik.

Prezidente Komisaun Funsaun Públika, Faustino Cardoso, ko’alia ba jornalista sira iha Palásiu Governu, hafoin sorumutu ho Primeiru-Ministru, Taur Matan Ruak, ohin. Imajen Egas Cristovão

Tuir nia proposta promosaun ne’e bazea ba dekretu governu númeru 1/2018. “Atu ba ne’eba presiza rezolusaun governu no hetan aprovasaun hosi konsellu ministru hodi define kona-ba númeru vaga hodi fó baze legál ba komisaun hodi implementa promosaun ne’e”, dehan Prezidente KFP hafoin hasoru xefe governu.

Máteria funsaun públika, istória no seluk tan maka komisaun sei uza hodi fó teste ba funsionáriu iha fulan-fevereiru 2019.

Nia hateten aprovasaun rezolusaun hosi KM importante nu’udar baze legál hodi fó forsa ba KFP atu implementa polítika promosaun ne’e.

Alende ne’e, aprezenta mós ba xefe Governu atu reativa dekretu lei indenizasaun iha funsaun públiku, tanba dekretu lei númeru 3/2016 hetan ona alterasaun ba dekretu lei númeru 9/2018 hodi halakon tiha indenizasaun.

“Ho lei organika foun ne’e revoga tiha dekretu lei númeru 9/2018 entaun ita fila hikas ba subtansia dekretu lei númeru 3/2016 ne’ebé hatuur kona-ba indenizasaun”, hateten prezidente.

Seluk mak informa kona-ba planu aprejentasaun proposta dekretu lei kona-ba planeamentu forsa servisu iha setór públiku hanesan baze legál ba prosesu rekrutamentu, la’ós de’it bazea ba orsamentu maibé kualidade, meritu no asuntu seluk tan.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here