DILI, (TATOLI) – Ensinu superiór públika, Universidade Nasionál Timor Lorosa’e (UNTL), oras ne’e dadaun marka ona nia pozisaun iha nivel internasionál, kontinente lima hanesan Áfrika, Amérika, Ázia, Europa no Oseania.
“Pozisaun simeira reitór husi kontinente lima, AULP (Asosiasaun Universidade Língua Portugeza nian-red), trilateral nomós organizasaun ensinu superiór sira seluk ne’ebé UNTL mós hola parte iha prosesu dezenvolvimentu ensinu superiór”, katak Reitór UNTL, Francisco Miguel Martins, iha ámbitu serimónia solene graduasaun ba dala 20, iha Sentru Konvensaun Dili (CCD-sigla portugés), lorokra’ik ne’e.
Tuir reitór kualidade akadémiku, nu’udar sentru exelénsia ensinu superiór no peskiza sientífika iha Timor-Leste. “Filozofia exelénsia ida ne’e mak ita hakarak ba ita-nia estudante sira liuhusi koñesimentu, kompeténsia”, dehan.
Entretantu, tuir rezultadu peskiza ajénsia TATOLI nian ba portál ofisiál UNTL ; www.untl.edu.tl, rezulta katak to’o ohin loron UNTL halo akordu no estabelese ona rede iha lubuk ida iha mundu.
Kooperasaun sira ne’e iha kontinente Áfrika mak hanesan Angola, Universidade Óscar Ribas, Cabo Verde, Guiné-Bissau, Madagascar, Moçambique, República do Congo, São Tomé e Principé.
Iha kontinente Ámerika hanesan Brasil; Brasil, Centro Federal de Educação Tecnológica de Minas Gerais, Universidade da Integração Internacional da Lusofonia Afro-Brasileira, Universidade de Brasília, Universidade Federal de Bahia, Universidade Federal de Minas Gerais, Universidade Federal de Roraima, Universidade Federal de Santa Catarina, Universidade Presbiteriana Mackenzie nomós Trindade e Tobago.
Iha kontinente Ázia hanesan Coreia do Sul; Gachon University, The Pacific Asia Society, Filipinas, Indonésia, Japão, Macau, Malásia, no Timor-Leste rasik.
Tuir mai, iha kontinente Eropa mak hanesan Bélgica; Université de Liège, Vrije Universiteit Brussel no Noruega, Portugal, República Checa.
Iha Oseánia hanesan Austrália; Australian Centre for International Agricultural Research, Australian Council for Education Research, Burnet Institute, Charles Darwin University, Federation University, The University of Melbourne, The University of Sydney, University of New South Wales, University of Technology Sydney, University of Western Australia, Victoria University inklui Nova Zelândia no Fiji.
Enkuantu rede ne’ebé mak UNTL integra mak hanesan AULP – Associação das Universidades de Língua Portuguesa (http://aulp.org/).
Forges – Fórum de Gestão do Ensino Superior nos Países e Regiões de Língua Portuguesa (www.aforges.net/).
RIPES – Rede de Instituições Públicas de Ensino Superior (www.ripes.unilab.edu.br/) nomós Indonesia Timor-Leste Australia Academic Partnership (parseiru entre universidade lima husi Indonézia, Universidade lima iha Timor-Leste, universidade ida husi Austrália, hodi dezenvolve objetivu komúm iha domíniu edukasaun, formasaun no peskiza)
Jornalista: Rafy Belo
Editora: Rita Almeida
