Debate OJE 2019 Adia Ba Parte Loraik

0
116
Foto/GPM.

DILI, (TATOLI) – Debate Orsamentu Jerál Estadu (OJE) 2019 ne’ebé tuir oráriu sei akontese tuku 9.00 dader ne’e adia ba loraik tuku 15.00.

Prezidente Bankada Partidu Demokrátiku (PD), António da Conceição, informa Komisaun C maka halo redasaun finál ba audiénsia hotu husi Komisaun A to’o G nian, depois simu rezultadu Komisaun C tenke halo filafali kompilasaun rezultadu Komisaun hotu nian para depois maka bele sai rezultadu ida pareser husu Komisaun C nian.

“Tanba ne’e maka serbisu ida kompilasaun foin maka remata horisehik loraik no horisehik ami tenke tuur filafali serbisu husi tuku 16.00 to’o 19.00 kalan atu halo leitura ne’ebé komprensivu ona ba pareser ne’e hotu ka lahotu karik ami konsege, maibé to’o horikalan tuku 7 ami lakonsege foin remata de’it to’o pájina 50 no dadeer ne’e sei kontinua halo leitura no observasaun ba pareser tomak no espera to’o matade dia ami hotu ona”, eis Ministru Eduksaun ne’e katak iha Parlamentu Nasionál, ohin.

“Se oraoras tan metade dia hotu ona signifika ami enkamiña ona ba Prezidente bele ona lori ba plénaria iha tuku 3 loraik, pur tantu situasaun maka ne’e”.

Tuir kalendáriu Parlamentu Nasionál (PN) nian ba loron ohin sei iha aprezentasaun relatóriu pareser husi Komisaun C no kontinua ho diskusaun no votasaun iha jeneralidade husi loron 6, 10 no 11 fulan ne’e.

Iha 12 to’o 22, pauza de’it iha loron 16, sei iha diskusaun no votasaun iha espesialidade no votasaun finál globál, redasaun finál iha 24 no 26 dezembru haruka dekretu ba Prezidente Repúblika.

Jornalista: Maria Auxiliadora

Editora: Rita Almeida

HUSIK IDA HATÁN