Prezidente KFP, Faustino Cardoso. Imajen António Goncalves

DILI, (TATOLI) – Kna’ar Funsionáriu Públiku maka atu serbí povu ho neutru, imparsiál no profesionalizmu hodi la haree ba kór partidu, etniku no rasa, tanba ne’e bandu atu hala’o prátika polítika iha servisu fatin, katak Prezidente Komisaun Funsaun Públika (KFP).

Faustino Cardoso alerta mensajen ne’e relasiona ho funsionáriu públiku balun kontinua prátika polítika ne’e liuhosi mídia sosiál no instituisaun Estadu iha oras servisu.

“Ami husu ba mídia no públiku, bainhira hetan evidénsia hato’o mai komisaun públika hodi prosesa tuir ho prosedementu”, hateten nia ba jornalista sira, ohin durante enkontru ho funsionáriu no komisáriu sira hodi avalia komisaun ba 2018 iha edifisiu KFP Villa Verde.

Instituisaun Estadu nu’udar fatin hodi serbí públiku ho professionál no imparsiál, tanba ne’e labele uza mídia sosiál hodi halo grupulizmu bazea ba kór no rasa hodi viola dever funsionáriu públiku tuir estatutu KFP. Komisaun sei foti sansaun rigór hasoru funsionáriu públiku ne’ebé kontinua prátika atividade ne’e.

Entretantu iha avaliasaun ne’e kada departementu aprejenta sira nia susesu no dezafiu durante 2018, tuir Prezidente KFP maioria programa no atividade komisaun la implementa durante tinan 2017 no 2018, tanba impase polítika hodi afeta ba limitasaun orsamentu.

Hosi rezultadu avaliasaun ne’e komisaun sei uza ba planu servisu iha 2019, hanesan reforma administrasaun públika ba modernizasaun hodi rezulta prestasaun servisu, dezempeñamentu ba funsionáriu ba satisfasaun públiku funsaun.

“Komisaun espera estabilidade governativa sei la’o di’ak, nune’e bele apoiu komisaun hodi implementa program sira iha tinan oin hanesan reforma funsaun públika hodi rezulta funsionamentu públiku, dezempeñu funsionáriu públiku, hasae produtividade servisu hodi hetan satisfasaun públiku”, tenik tan.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here