Prezidente KFP, Faustino Cardoso. Imajen António Goncalves

DILI, (TATOLI) – Prezidente Komisaun Funsaun Públika, Faustino Cardoso, hateten oras ne’e prepara ona dekretu lei rua hanesan planeamentu forsa servisu iha setór públiku no alterasaun dekretu lei ba dezempeñu servisu Funsionariu Públiku (FP) hodi hato’o ba governu iha inisiu 2019.

“Komisaun prepara ona proposta iha inisiu 2019, ami sei aprejenta ba parte governu nian. Alterasaun ba dekretu lei kona-ba avalisaun dezempeñu ne’e importante atu oinsá bele fó avalisaun ida di’ak ba servidór públiku hodi presta di’ak liután servisu ba públiku” dehan Faustino Cardoso ba jornalista sira iha Vilaverde, ohin.

Nia hatutan tan: “Enkuantu dekretu lei kona-ba planeamentu forsa servisu iha setór públiku mós importante hodi sai baze legál ba prosesu promosaun no rekrutamentu. Tanba to’o ohin loron ita seidauk iha dekretu lei kona-ba ne’e nu’udar base hodi halo rekrutamentu no promosaun, tanba durante neé ita halo rekrutamentu bazea de’it ba osan hodi la halo estudu bazea ba nesesidade instituisaun”.

Bainhira hetan aprovasaun hosi governu maka komisaun sei hahú implementa.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here