Semináriu nasionál ho tema reforma lejislativa, judisiáriu no modernizasaun administrativa hodi reforsa boa governnasaun no kombate korrupsaun iha Timor-Leste ne’ebé hala’o iha salaun Ministériu Solidaridade Sosiál no Inkluzaun (MSSI) iha Kaikoli, ohin. Imajen António Goncalves

DILI, (TATOLI) – Ministru Estadu Reforma Lejislativa no Asuntu Parlamentár (MERLAP), Fidelis Leite Magalhães, hateten governu iha ona polítika ba reforma lei sira no administrasaun públika hodi promove governasaun di’ak  no kombate korrupsaun.

“Reforma lei sira, kódigu sira, prosedura administrativa, reforma ba lejisltiva, liuliu haree ba organizasaun judisiária, rekursu iha tribunal, direitu komersial, depois modernizasaun administrativa, reforsa instituisaun hodi kontribui ba boa governasaun”, hateten Governante  iha semináriu nasionál ho tema reforma lejislativa, judisiáriu no modernizasaun administrativa hodi reforsa boa governnasaun no kombate korrupsaun iha Timor-Leste  ne’ebé hala’o iha salaun Ministériu Solidaridade Sosiál no Inkluzaun (MSSI) iha Kaikoli, ohin.

Tuir kalendáriu governasaun da-ualu,  ba 2019 sei hahú implementa polítika reforma lei sira no modernizasaun administrasaun públika iha instituisaun Estadu hotu.

“Reforma ne’e prosesu ida kontinuasaun, importante maka vontade polítika no alokasaun orsamentu nomos rekursu sufisiente para reforma sira ne’e bele akontese”, katak Fidelis.

Governante hateten tan hosi rekomendasaun sira hosi semináriu ne’e sei apoiu governu suporta prosesu reforma hirak ne’e.

Reforma ne’e sei simplifika servisu administrasaun no lei sira hodi  apoiu atividade  sidadaun ho lais no fasíl  ba kresimentu  dezenvolvimentu  ekonomia no proteje direitu fundamentál sidadaun.

Atu halo fasil liu ba vida komunidade nian, se la’e atu trata dokumentu ida presiza okupa tempu to’o fulan tolu, maibé tuir  loloos ita  asesu internet hodi  down load de’it,.

Katak tan sistema administrasaun fraku sei haburas korrupsaun iha intituisaun Estadu, tanba ne’e tenke halo  reforma  iha instituisaun Estadu.

Entretantu, rezultadu hosi semináriu nasionál ne’e sei apoiu governu hodi hahú halo reforma ba instituisaun Estadu ba tinan oin.

Jornlaista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here