Modelu prizaun. Imajen hosi google.

DILI, (TATOLI) – Prizioneiru 40 oras ne’e okupa ona komarka iha munisípiu Kovalima hafoin tribunál foti desizaun finál hodi kumpre kadeia.

Tuir Diretór Nasionál ba Servisu Prizionál no Reinsersaun Sosiál, Ministériu Justisa, Helder Cosme Marcal Belo, hateten tinan oin sei haruka tan prizioneiru ba komarka foun ne’e, tanba iha kapasidade ba ema hamutuk 120 hodi redús númeru prizioneiru hosi prizaun Bekora no Glenu-Ermera.

“Ita transfere uluk 20 depois aumenta tan, tanba ne’e neste momentu hamutuk 40”, katak nia ba jornalista sira iha Kaikoli, ohin.

Prizaun Bekora akumula prizioneiru 599. Mane 757 no feto rua. Prizaun Glenu 104, mane 83 no feto 19, idade joven hosi 16 to’o 20 hamutuk 64, prizioneiru rai-liur hamutuk 21 hosi Indonézia, Filipina, Xina nomós Austrália.

“Prizioneiru sira ne’e konflitu ho lei hanesan kazu omesidu, droga, tráfiku umanu no seluktan”, tenik tan.

Dirijente ne’e husu ba timoroan hotu atu prevene  krime  hodi redús númeuru prizioneiru ne’ebé  detein iha prizaun tolu ne’e.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here