Primeiru-Ministru, Taur Matan Ruak, iha debate jeneralidade loron daruak iha uma fukun Parlamentu Nasionál. Foto António Goncalves

DILI (TATOLI) – Parlamentu Nasionál (PN) iha diskusaun no votasaun Orsamentu Jerál Estadu (OJE) 2019 faze espesialidade iha kinta ne’e, aprova ona orsamentu privativu ho montante Millaun 16,145 ba órgaun soberanu ne’e ho votu a favor 40, kontra 3 no abstensaun 22.

Dotasaun ba saláriu no vensimentu miliaun $5,814, bens no servisu millaun $7,412, transferénsia públika $944.000, kapitál menór millaun $1,779 no kapitál dezenvolvimentu $195.000.

Ba orsamentu privativu órgaun lejizlativa ne’e rasik, iha proposta ida ba órgaun PN ne’ebé ba dotasaun inisiál millaun $2,587, ho alterasaun no aditamentu $538.000, ho dotasaun final millaun $3,125

Kategoria ba Órgaun Ministériu Justisa, Diresaun Nasionál Administrasaun Finansas, kategoria despeza bens no servisu ho dotasaun inisial millaun $12,578 ho alteraun redusaun $538.000, nune’e, dotasaun final millaun $12,500.

Entretantu orsamentu privativu PN ba tinan 2018 ho montante millaun $10,396, ho dotasaun ba kategoria saláriu no vensimentu millaun $5,083, bens no servisu millaun $4,383, transferénsia públika $930.000.

Jornalista: Julia Chatarina

Editór : Manuel Pinto

HAKEREK NO HATÁN

Please enter your comment!
Please enter your name here