Manatutu Ezekuta Osan Rihun Lima Resin Komemora 28 Novembru

0
45
Isár Bandeira atu hahú dadaun. Foto SEKOMS: Verónica Ximenes

MANATUTU, (TATOLI) – Munisípiu Manatutu ezekuta osan $5.250,00 hodi komemora loron Proklamasaun Indepedénsia 28 Novembru ba da-43.

Husi valór ne’e postu administrativu ne’en hanesan Manatutu Vila, Laclo, Laleia, Laklubar, Soibada, Barique (Natarbora), idaidak aloka dolár 750,00. Osan hirak ne’e aloka ba atividade desportiva no feira.

“Osan ne’e mai husi governu”, informa Vise-prezidente Komisaun  Organizadora, Agripino da Silva Sarmento Ramos Costa, ba jornalista sira iha Munisípiu Manatutu, Postu Administrativu Manatutu vila, kuarta (28/11).

Kona-ba liña koordenasaun, Sekretáriu Munisípiu ne’e mós informa liña koordenasaun kapás tanba iha enkontru servisu munisipál sira hotu, autoridade hotu iha munisípiu ne’e.

“Liuhusi enkontru ne’e, komemora di’ak 28 novembru ne’e”, hateten Vise-prezidente Komisaun  Organizadora, Agripino da Silva Sarmento Ramos Costa.

Entretantu, serimónia 28 novembru iha munisípiu Manatutu prezide husi reprezentante estadu no governu, Sekretáriu Estadu Komunikasaun Sosiál (SEKOMS), Merício Juvinal dos Reis “Akara”, no partisipa husi komunidade, autoridade lokál, munisipál, funsionáriu públiku husi ministériu no diresaun oioin, komunidade relijioza, estudante sira ensinu privada nomós jerál sira.

Serimónia ne’e la’o di’ak no hakmatek tanba hetan seguransa husi Polísia Nasionál Timor Lorosa’e (PNTL) no molok serimónia isar bandeira, hahú uluk ho misa iha Parókia Santu António Manatutu, prezide husi Padre Pároku Manatuto, Pe. Alípio Pinto Gusmão.

Jornalista: Rafy Belo

Editora: Rita Almeida

HUSIK IDA HATÁN