Prezidente Repúblika, Francisco Guterres Lú Olo

DILI (TATOLI)—Prezidente Repúblika, Francisco Guterres Lú Olo, lakohi espékula nia desizaun veta ka promulga ba proposta alterasaun lei nú. 13/2005) kona-ba Atividade Petrolífera.

Xefe Estadu hateten lei fó kompeténsia ba nia atu estuda proposta alterasaun refere másimu durante loron 30 nia laran.

“Kuandu Prezidente simu dekretu ka lei ruma hosi Parlamentu Nasionál, dentru loron 30 nia laran Prezidente desidi veta ka promulga. Portantu, ha’u sei estuda hela lei ida ne’e,” Lú Olo ba jornalista sira iha Parókia Motael, tersa ne’e, relasiona ho sosiedade sivíl sira husu Prezidente Repúblika veta proposta alterasaun ba Lei Atividade Petrolíferu.

Governu husu alterasaun ba Lei Atividade Petrolífera ne’e iha 22 outubru liu-ba. Proposta alterasaun ne’e sei fó dalan ba Estadu atu partisipa iha Joint Venture (konsórsiu) ho partisipasaun asaun liu pursentu 20 iha esplorasaun ba Kampu Greater Sunrise nomós hasai tiha kbiit ka kompeténsia Kámara Kontas atu halo vistu prévia ba kontratu sira ne’ebé iha ligasaun ba asuntu petrolífera.

Jornalista: Xisto Freitas

Editór : Manuel Pinto

HAKEREK NO HATÁN

Please enter your comment!
Please enter your name here