Deputadu, Adérito Hugo da Costa.

DILI, (TATOLI) – Ministériu Interiór, tranzitóriu lidera hosi Ministru Defeza propoin milliaun $48 ba Orsamentu Jerál Estadu (OJE) 2019.

“Ministériu Defeza no Seguransa ohin halo audénsia ba proposta OJE 2019 ne’ebé aloka  em jerál milliaun $48 kobre ba ministériu interiór de’it no aban maka ministériu defesa. PNTL (Polísia Nasionál Timor-Leste) maka aumenta milliaun $6 tan kompara hosi orsamentu 2018ʺ, haktuir Prezidente Komisaun B Parlamentu Nasionál (PN) ne’ebé trata asuntu Defeza no Seguransa, Adérito Hugo da Costa, iha uma fukun, ohin.

Deputadu hosi bankada CNRT ne’e katak aumenta valór ba PNTL ne’e hodi  kompleta ekipamentu operasionál ba polísia, seguransa sivíl no bombeiros.

“Ita tenke hadi’a instituisaun ne’e, por-ezemplu sira nia farda  ba servisu lor-loron nian kuaze tinan tolu liu ona laiha foun, transporte no arma sira seluk tan”, tenik eis-Prezidente PN ne’e.

Governu liuhosi Ministru Interiór Interinu, Filomeno Paixão, relata ezekusaun OJE 2018 iha MI atinje ona porsentu 80 resin.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here