Governu daualu ohin komemora loron mundiál ba labarik. Imajen Egas Cristovão

DILI, (TATOLI) – Timor-Leste ohin selebra loron internasionál labarik ba dala 29, tanba ne’e governu daualu iha kumpromisu proteje labarik sira hosi violénsia no esplorasaun hodi fó espasu liután atu asesu iha saúde, edukasaun, informasaun no seluk tan.

Kompromisu ne’e haktuir liuhosi mensajen Primeiru-Ministru, Taur Matan Ruak, ne’ebé lee hosi Ministra Edukasaun Juventude no Desportu, Dulce de Jesus Soares, iha Sentru Konvensaun Dili, ohin.

Governu konsidera ratifikasaun konvensaun nasaun unida sira ba diretu labarik ne’ebé rafika hosi nasaun membru 199 ne’e importante tebes ba Timor hodi tau iha planu asaun anuál.

“Halakon hamlaha no má nutrisaun infantil, labarik ida labele dezenvolve án, estuda di’ak bainhira laiha hahan naton, tan ne’e sei aposta iha programa merenda eskolár no programa sira ne’ebé promove ai-han saudavel, biolojiku no belun ba ambiente”, dehan ministra edukasaun.

Redusaun kiak hodi garante oportunidade hanesan ba labarik sira atu aprende kona-ba siénsia no edukasaun, tanba ne’e governu sei investa liután iha programa bolsa inan nian (bolsa da mãe), asesu edukasaun gratuita ba ema hotu, asesu saumúde no seluk tan.

Labarik timoroan iha direitu ba liberdade atu halimar, estuda, asesu informasaun, edukasaun no seluk tan hodi livre hosi violénsia no esplorasaun.

Reprehentante UNICEF iha TL, Valera Taton, hateten 2019 mundu sei komemora konvensaun diretu labarik ba dala 30.

Estadu iha obrigasaun hodi hetan protesaun hosi violénsia, abuzu, esploitasaun, diretu ba moris no dezenvolve, diretu ba eskola, saúde no seluk tan.

“ohin loron ami iha ne’e atu rona imi labarik sira nia lian, mai servisu hamutuk ho fó espasu ba aprendizajen seguru ba labarik hotu”, dehan Taton.

Iha komemorasaun ne’e labarik sira aprejenta rekomendasaun ba Governu ne’ebé simu hosi ministra edukasaun ho pontu importante hanesan, asesu edukasaun ho seguru, saúde, kria ambiente hakmatek ba labarik, proteje labarik hosi forma esplorasaun no seluk tan.

Ministériu Solidaridad Sosiál no Inkluzaun maka organiza seremonia ho tema fatin aprendizajeb seguru ba labarik hotu.

Jornalista: Agapito dos Santos
Editora: Rita Almeida

HAKEREK NO HATÁN

Please enter your comment!
Please enter your name here