Vise Prezidente Parlamentu Nasionál, Maria Angelina Sarmento. Foto Egas Cristóvão

DILI,(TATOLI) –Vise Prezidente Órgaun Lejizlativa, Maria Angelina Sarmento, hateten Parlamentu Nasionál (PN) sei debate Proposta Lei Orsamentu Jerál Estadu (OJE) 2019 nian iha loron 6 Dezembru, tinan ida ne’e.

“Iha loro kraik, dia 6 Dezembru parlamentu sei hahú debate proposta lei OJE 2019 iha jeneralidade,” Maria Angelina Sarmento ba jornalista sira iha PN, ohin.

Enkuantu, iha 7 Dezembru feriadu nasionál, nune’e mós iha dia 8 to’o 9, entaun debate OJE iha jeneralidade sei kontinua iha dia 11 no kontinua debate iha espesialidade iha dia 14 to’o 21.

Bazeia ba kalendáriu ne’ebé aprova iha lider bankada semana kotuk, másimu iha loron 21sei halo votasaun finál globál ba proposta OJE 2019.

“Ida ne’e tempu sufisiente tanba tuir rejimentu, dehan debate jeneralidade durante loron tolu no espesialidade loron 10,” nia esplika.

Entretantu, proposta lei OJE 2019 ne’ebé governu konstitusionál submete ba PN ho montante biliaun U$ 1.8.

Jornalista : Zezito Silva

Editór : Manuel Pinto

HAKEREK NO HATÁN

Please enter your comment!
Please enter your name here