DILI (TATOLI)—Eis Prezidente Repúblika, José Ramos Horta, fó sai katak, trajédia Kuluhun foin lalais ne’e laiha implikasaun signifikativu ida ba imajen Polísia Nasionál Timor-Leste (PNTL) nian, iha ONU (Organizasaun Nasaun Unidas).
“Ita boot sira inventa atu ha’u ko’alia kona-ba asuntu kanselamentu rezolusaun, maibé informasaun ne’e la loos. Krime ne’ebé akontese no krime sira seluk bele sobu Timor-Leste nia naran iha mundu ka kredibilidade PNTL,” José Ramos Horta esplika relasiona ho informasaun balun espalla iha rede sosiais, ba Jornalista sira bainhira hasoru malu iha, Salaun Kultura Indonézia, Kaikoli, ohin.
Nia dehan trajédia ne’e, iha oknum polisia tiru mate joven na’in tolu, no ema na’in lima kanek, maibé laiha desizaun ida kona-ba atu kansela rezolusaun hodi PNTL la partisipa iha Operasaun Pás ONU nian.
“Sé mak hateten ONU kansela rezolusaun kona-ba PNTL nia envolvimentu ba Misaun Pás ONU, ne’e ema mak inventa,” Ramos Horta lamenta.
Jornalista : Zezito Silva
Editór : Manuel Pinto
