Imajen hosi google.

DILI, (TATOLI) – Ministériu Administrasaun Estatál to’o horisehik konsege ezekuta Orsamentu Jerál Estadu 2018 to’o 81 hosi totál valór milliaun $8.356.

“Horisehik ami halo audénsia públiku ho komisaun A parlamentu, ne’ebé ha’u simu informasaun hosi tékniku, ami ezekuta ona to’o porsentu 81”, hateten Vise Ministru Administrasaun Estatál, Abílio José Caetano, ba jornalista sira iha Palásiu Governu, ohin.

Orsamentu ne’e ezekuta ba saláriu no vensimentu, bens servisu, tanba MAE laiha projetu foun ba 2018.

Novembru to’o desembru sei uza hodi selu tan saláriu ba funsionáriu sira, bele atinje to’o porsentu 90 resin.

“Projeitu laiha, maibe ami aloka de’it ba saláriu no vens servisu ba servisu rutina hodi fó atendementu servisu administrasaun no programa balun iha diresaun jerál urbana no programa nasionál dezenvolvimentu suku“, tenik ministru em ezersísiu.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here