Diretor Ezekutivu Asosiasaun Hadomi Timor-Leste (AHTL), Manuel Boavida Hornai Soares, akompanha ho nia ekipa, relata audiensia ohin ho Xefe Governu, ba jornalista sira iha Palasiu Governu, ohin. Imajen: Egas Cristovão

DILI (TATOLI) –Asosiasaun Hadomi Timor-Leste (AHTL), ohin hasoru malu ho Primeiru Ministru Taur Matan Ruak, iha Palásiu Governu, iha Soru mutu ne’e, AHTL husu ba Primeiru Ministru atu implementa polítika desentralizasaun administrativu.

Diretór Ezekutivu AHTL, Manuel Boavida Hornai  Soares argumenta, rekomenda AHTL ne’e ho objetivu hodi lori governu besik ba povu.

“Ami mai enkontru ho Primeiru-Ministru, hanesan asosiasaun ami mai rekomenda de’it, saida mak bele halo ba desentralizasaun ne’e, tanba tuir asosiasaun nia hare, di’ak liu ita aselera desentralizasaun para lori governu hakbesik ba povu,” Manuel Boavida esplika ba jornalista sira iha Palásiu Governu, ohin.

Nia haktuir, enkontru ohin ko’alia mós kona ba boa governasaun. Iha enkontru ne’e mós Primeiru-Ministru dehan asuntu ne’e sei prosesu hela no nia parte sei halo ligasaun ho Ministériu Administrasaun Estatál (MAE) para asosiasaun bele servisu hamutuk no elabora, hodi hare didi’ak ba asuntu desentralizasaun administrativu.

Jornalista: Julia Chatarina

Editór : Manuel Pinto

HAKEREK NO HATÁN

Please enter your comment!
Please enter your name here