Ministru Defeza no Seguransa, Filomeno da Paixão de Jesus

DÍLI,(TATOLI)-Timor-Leste (TL) ho Estadus Unidus Amérika (EUA), ohin realiza dialog kona ba area defeza iha kuartél jerál FALINTIL-Forsa Defeza Timor-Leste (F-FDTL), Dialog ne’e realiza ba ida dala-IX.

Ministru Defeza no Seguransa Filomeno Paixão esplika objetivu hosi sorumutu ne’e hodi avalia rezultadu kooperasaun ne’ebé parte rua implementa ona durante tinan sanulu resin, hahú hosi tinan 2002, to’o ohin loron.

Tuir Filomeno, durante tinan barak EUA apoiu instituisaun Defeza iha formasaun ba forsa sira ba diviza estadu maiór, ofisiais, sarjentu, iha Hawai , Estadus Unidus nó mós apoiu seluk tan.

Aleinde ida ne’e, forsa marina Amérika apoia ona iha parte sivíl nian sira mai iha ne’e hadi’a eskola, rekuperasaun ba area saúde.

Iha fatin hanesan, Major Jenerál  Forsa  Estadu Unidus Amérika, Vares-Lum hateten, diálogu bilateral née oinsá atu reforsa liután kooperasaun entre parte rua.

 Jornalista:Agapito dos Santos

Editór : Manuel Pinto

HAKEREK NO HATÁN

Please enter your comment!
Please enter your name here