Parada membru F-FDTL bainhira komemora loron FALINTIL ba dala 43 iha kuartel jerál Fatuhada. Foto António Goncalves

DILI (TATOLI) – Timor-Leste no Estadus Unidus Amérika (EUA) liuhosi Falintil-Forsa Defeza Timor-Leste (F-FDTL) no Komandu Indo-Pasífiku (INDOPACOM-sigla ingles) sei realiza diálogu bilateral defeza ba dala-9.

Diálogu ne’e sei realiza iha loron 15 novembru tuku 9, hahú ho diskursu abertura husi Ministru Defeza Filomeno da Paixao de Jesus, Embaixadora EUA Kathleen Fitzpatrick, Xefe Estadu Maior F-FDTL Colonel Calisto Santos Coliati no Major Jeneral Exérsito EUA Suzanne Vares-Lum husi INDOPACOM.

“Hanesan nasaun demokrátiku rua ne’ebé kompartilla interese atu promove lei no orden inklui direitus umanus, Timor-Leste no EUA sei halo diskusaun kle’an konaba relasaun forte entre nasaun rua, kooperasaun atu asegura Indo-Pasífiku ida ne’ebé livre no nakloke ba ema hotu no hametin liu tan kooperasaun, partikularmente iha area asisténsia umanitária no apoiu ba dezastre natural”, tuir komunikadu ne’ebé divulga husi embaixada EUA.

Tópiku ba diálogu ne’e, sei kobre pasu estratéjiku ba futuru hanesan EUA nia estratéjia ba Indo Pasífiku, progresu programa parseria, seguransa Marítima, kooperasaun seguransa no planu interkámbiu sira, inklui kooperasaun bilateral no multilateral Timor-Leste ho EUA nian ba formasaun no ezersísiu militár sira inklui Programa lian ingles F-FDTL nian.

Jornalista: Julia Chatarina

Editór : Manuel Pinto

HAKEREK NO HATÁN

Please enter your comment!
Please enter your name here