Sekretáriu Estadu Juventude no Desportu (SEJD) Nélio Isaac Sarmento

DÍLI,(TATOLI)-Komité 12 de Novembru iha segunda horisehik, ofisiálmente entrega responsabilidade ba sekretáriu Estadu Juventude no desportu (SEJD) maka sei organiza atividade no programa hodi komemora masakre santa Cruz ba tinan oin.

“Ohin (Segunda red) komité 12 de Novembru entrega responsabilidade katak tinan oin ita selebra loron masakre santa Cruz la’ós ona organiza hosi komité maibé entrega ba SEJD,” Sekretáriu Estadu Juventude no Desportu (SEJD) Nelio Isaac Sarmento, informa.

Nia dehan, Governu simu responsabilidade ne’e atu organiza di’ak liután serimónia ne’e tuir espíritu mate restu 12 Novembru ne’ebé fó responsabilidade ba jerasaun foun hodi kontribui ba dezenvolvimentu nasaun.

“Ha’u espera tinan oin ita sei halo di’ak liután konta ho juventude jerasaun foun nian, hodi halo buat ruma ba ita nia nasaun ,” Nelio promete.

Maski nune’e, Governante née kontinua husu kontribuisaun hosi komité nian ba selebrasaun loron nasionál neé iha futuru.

Jornalista: Agapito dos Santos

Editór  : Manuel Pinto

HAKEREK NO HATÁN

Please enter your comment!
Please enter your name here