Ilustrasaun

DÍLI, (TATOLI)-Jornalista Timor-Leste husi mídia imprensa no eletrónika inklui online partisipa formasaun kona-ba Literásia orsamentál, hahú loron 13-23, iha sentru Konsultóriu Língua ba Jornalista sira, Kintál-boot, Díli, ne’ebé realiza tanba ko-organizasaun ho Konsultóriu Língua Portugeza, koordenasaun téknika ho CENJOR-Sentru Protokolár Formasaun Profisionál ba Jornalista sira (sigla portugés), Portugal, dirije husi Jornalista Helena Garrido.

Tuir  komunikadu Instituto Camões ba Ajénsia TATOLI katak objetivu husi formasaun ne’e mak atu hadi’a kapasidade, komprensaun jornalista sira nian kona-ba literásia orsamentál ba supervizaun no fiskalizasaun finansa públika, hodi reforsa nível koñesimentu kona-ba prosesu orsamentál estadu, kontribui ba prosesu aprendizajen no komprensaun polítika finansa públika, apoiu  dezenvolvimentu téknika informasaun ida izenta no profisionál kona-ba supervizaun finansa públika nomós reforsa kapasidade analítika no investigasaun ekonómika finanseira jornalista sira nian.

Iha eventu ne’e, tuir komunikadu ne’e, partisipa husi Sekretáriu Estadu Komunikasaun Sosiál, Merício Juvinal dos Reis “Akara”, embaixadór Portugal ba Timor-Leste, José Pedro Vieira Machado, Prezidente Konsellu Imprensa, Virgílio Guterres no órgaun komunikasaun sosiál sira nomós jornalista timoroan sira.

Entretantu, formasaun ne’e realiza tanba parseria entre Insituto Camões no União Europeia (UE), iha Timor-Leste.

Jornalista: Rafy Belo

Editór : Manuel Pinto

HAKEREK NO HATÁN

Please enter your comment!
Please enter your name here