Núnsiu Apostóliku, Monseñor Joseph Marino, dadalia ho Prezidente Repúblika (PR), Francisco Guterres Lú Olo, iha Palásiu Prezidente Nicolau Lobato, kinta ne’e. Imajen Ajénsia Tatoli/António Gonçalves

DILI (TATOLI)—Prezidente Repúblika (PR), Francisco Guterres Lú Olo, hala’o reuniaun urjente ho Núnsiu Apostóliku, Monseñor Joseph Marino, iha Palásiu Prezidente Nicolau Lobato, Bairru Pité, Dili, kinta ne’e.

Reuniaun ne’ebé hala’o iha tuku 9:30-10:28 Otl ne’e nu’udar pedidu hosi Núnsiu Apostóliku iha ámbitu ne’ebé Prezidente Repúblika foti hela lisensa anuál hahú hosi loron 5-10 Novembru.

Reuniaun refere iha relasaun ho asuntu kanselamentu viajen Prezidente Repúblika ba Vatikanu hodi hasoru malu ho Santu Padre, maibé líder Igreja Katólika ne’e no Xefe Estadu la fó substánsia hosi enkontru ne’e ba mídia tanba segredu.

Antes ne’e, semana kotuk, Monseñor Joseph Marino mós hala’o enkontru ho Prezidente Repúblika hodi ko’alia kona-ba viajen Prezidente Repúblika ba Vatikanu no iha momentu ne’ebá Núnsiu Apostóliku deklara katak vizita refere laiha ligasaun ho kestaun ekonomia no polítika maibé kestaun espirituál.

Jornalista: Xisto Freitas

Editór : Manuel Pinto

HAKEREK NO HATÁN

Please enter your comment!
Please enter your name here