Administradór Postu Administrativu Atsabe Munisípiu Ermera, Manuel Soares Araújo

ATSABE, (TATOLI)-Administradór Postu Administrativu Atsabe Munisípiu Ermera, Manuel Soares Araújo informa, Postu ne’e iha area potensialidade ba turizmu hanesan mota bandeira, barrajen bee ho kór mutin no barrajen iha área fronteira ho foho Ramelau.

“Iha fatin tolu, mota bandeira, bee mutin ne’ebé sai hosi fatuk ko’ak ho kores haat kinur, mean modok, no bendungan (barrajen-red) iha area Ramelau hun,“ Administradór informa ba Jornalista sira iha Postu Atsabe Kuarta horisehik.

Administradór ne’e haktuir tan, fatin potensiál hirak ne’e labele asesu iha tempu udan tanba estrada aat. Maibé tempu bai loron komunidade sira vizita beibeik.

Tanba ida ne’e nu’udar administradór Manuel haruka ona proposta ba munisípiu ho intensaun hadi’ak área turizmu, maibé proposta la aprova tanba falta orsamentu.

“Planu ami hato’o beibeik ona, maibé seidauk dezenvolve,” Nia haktuir no husu mós kontribuisaun media nasionál atu promove fatin turizmu hirak ne’e ba públiku.

Jornalista:Agapito dos Santos

Editór : Manuel Pinto

1 KOMENTÁRIU

  1. Potensialidade neebe boot iha posto Administrativo Atsabe Municipio Ermera.
    Tamba ita nuudar Atsabe Oan, tenki iha plano uluk oin sa atu desenvolve ita nia fatin Turismo. Depois mak lina kordesaun/komunika Atoridade lokal sira ho joven, lian nain, etc. hodi mehi ba futuru oin mai.

HAKEREK NO HATÁN

Please enter your comment!
Please enter your name here